年輕人創作力量非同小可，以訪問方式，同社區持份者傾談，製作人物紀錄片；製作短片及遊戲節目，以綜藝節目傳播共融信息。
題材
類別
由東華三院黃鳳翎中學嘅學生帶領住兩位嘉賓一齊玩遊戲，體驗使用除咗視覺以外嘅感官完成三項挑戰。
由幸福點子、林村公立黃福鑾紀念學校，還有我哋鄰住創本視一齊，再一次為大家講故仔！
連續兩集嘅《真人漂書》會請來視障人士博輝同埋口述影像員Tiffany，讓大家了解一下視障人士點樣睇電影，同埋口述影像對視障人士嘅幫助。
第一集博輝會講吓身為視障人士點樣享受電影嘅樂趣。
由方樹福堂兒童及青少年發展中心、路德會呂明才中學、鄰住創本視共同製作嘅跌嘢唔好搵Dance Cover，呢隻舞係老幼勁舞團嘅年輕導師設計出嚟，俾坐喺屋企嘅各位鬆一鬆手腳，尤其係老友記，所以動作非常簡單，識跳嘅一齊跳啦！
有冇諗過視障人士係點樣煮食㗎呢？ 有冇想像過一間有殘疾人士營運嘅餐廳呢？
今集《煮出人情味》請來黑暗中對話嘅Inti， 去到新加坡餐廳厨尊教大家煮嘢食。
玩出我天地第二集嚟啦！今次就同兩位老友記一齊試吓由香港設計嘅獲獎遊戲Lighten Dementia，仲請埋遊戲設計師一齊嚟玩添！
做運動可以令身體會產生安多酚，唔只可以抗壓，仲可令人有平靜、愉悅嘅感覺 ，而且運動可以享受個人嘅時間，長時間照顧病患人士嘅照顧者實在非常需要。
咁喺繁忙之中做啲咩運動好呢？就等崇真書院嘅同學教吓大家啦！
香口嘅食物就好多人都鍾意，再加埋東南亞好味嘅香料，小編淨係諗都流晒口水呀！今次我哋就同幾位嚟自香港中華基督教青年會天 水圍天晴會所嘅少數族裔爸爸整佢哋嘅傳統美食，分享美食嘅由來，睇見都想食呀！
大家記唔記得自己嘅母校呢？無論係中學定小學，學校總會同你渡過好幾年嘅光陰，學校內嘅一草一木，附近嘅街道、公園、食肆，都係在學時期嘅美好回憶。香港道教聯合會雲泉學校遷校在即，將會由牛頭角上邨搬去安泰 呢個新社區，一班同學同大家分享校園內外嘅點滴，同埋對新社區嘅期待。
鄰住創本視一周年了，過去一年我們經歷過疫情，從上網課到實體拍攝，見證了香港不同社群的人情味故事。用十分鐘回顧這一年，剛好。
每次去譚仔都會點土匪雞翼，究竟點解土匪雞翼叫土匪雞翼？這次由啟德區義工雅欣教大家做土匪雞翼，想知如何鎖緊雞翼肉汁？就要留意今集《煮出人情味》了。
崇真書院的學生經過訪問天使綜合症患者的照顧者，對自己有何反思？除了能親身接觸照顧者，亦盼望外界能給予他們關心和愛。
表達關愛並非一定要蒙著嘴，蒙著眼參加障礙賽體驗視障人士的生活亦可引發對傷殘人士的同理心。兩位中學生戴上眼罩衝破重重障礙，發現原來自己可以為傷健共融跨出一大步。
小學生和淨灘經驗豐富的哥哥姐姐分組，挑戰垃圾BINGO比賽，比賽贏輸並不重要，最重要是大家都擁有一顆愛護大自然的心，從自己生活開始減廢！
清明仔又叫做雞屎藤，係茶粿嘅一種， 因為原材料難搵同埋工序繁複嘅關係，已經越來越少人識整，今次煮出人情味就同大家去到萊洞村，搵兩位婆婆教我哋做傳統嘅炭火清明仔。
軟餐究竟係乜嘢？
除咗可以幫到有吞嚥困難嘅人進食之外，仲可以提高佢哋進食嘅興趣。實際上嘅製作又複唔複雜呢？
今集煮出人情味請到「軟膳點」教我哋整軟餐
香港有好多獨有嘅動植物生態，喺大家日常生活裏面，當大家走進大自然，又會唔會察覺到佢哋存在呢？
今集同恩主教書院嘅同學一邊玩遊戲，一邊認識香港大自然生態。
輪椅人士嘅生活係點？邊啲交通工具唔方便輪椅人士使用？嶺南衡怡紀念中學 同 聖公會基樂小學 嘅同學喺今集《傷健樂滿FUN》裏面，聯同自強協會用遊戲形式話俾你知。
上一集嘅家常菜薯仔炆雞翼，應該好多香港人都食過，今集嘅印度地方小食 Aloo Pakora 唔知你哋食過未呢？同樣主要材料都係薯仔，加埋印度香料煮出嚟嘅味道又係點嘅呢？今集由WEDO GLOBAL 嘅Alina 教大家煮嚟試吓。
香港六七十年代除咗小食之外，膾炙人口嘅流行曲同歌詞、具有時代意義嘅建築同城市規劃，都係香港文化歷史流傳至今嘅瑰寶。
第二集嘅「回到六七十年代」繼續用遊戲同大家回顧同認識下香港六七十年代嘅事物。
今集遊戲節目《點止乜乜咁簡單》同大家玩吓問答遊戲，參賽者要施展渾身解數，解答唔同嘅香港文化以及知識問題，如果有留意香港嘅不同文化嘅話，今集裏面啲問題一定難唔到你啦！
參加咗尊賢會、同是獨居長者嘅得哥， 成為關懷界嘅KOL，將自身處境化成對同路人嘅祝福，致力喺網上關心其他長者，娛人娛己，助人亦可自助。
十位學生，講述十位他們最受其影響的人，配合學生所作的《拼圖遊戲》一曲，表達「謝謝你成就了現在的我」。
崇真書院的學生經過訪問天使綜合症患者的照顧者，對自己有何反思？除了能親身接觸照顧者，亦盼望外界能給予他們關心和愛。
滿面笑容是天使綜合症患者的特徵，笑容背後是全天候守護患者的照顧者。秀玲盡心盡力照顧患病兒子，感受到的，除了辛酸更多的是無盡的喜悅。
嶢嶢是個患有脊髓性肌肉萎縮症的YouTuber，創作內容啟發輪椅朋友社區參與、教育公眾其實傷殘人士的生活亦可多姿多彩，希望任何人都時時事事試！
今次開箱嘅「桌遊」 絕對可以令你有置身其中嘅感覺， 因為真係可以親身行入去裏面玩！
由@SOWGOOD正向品格教育館 帶埋佢哋嘅巨大化「將軍出菜品格桌遊」 同我哋一班來自 @嘉諾撒(新蒲崗)小學 嘅學生 一齊玩， 仲可以從中認識傳統廿四節氣同埋訓練品格， 一齊睇吓點玩先！
認識本地歷史， 唔一定要靠書本咁悶嘅。
今次玩出我天地連同#涌滿童心 兩位小朋友， 一齊玩#屯貨見習生 呢一盒以解謎遊戲形式
去認識屯門大街小巷嘅歷史同小故事。
一齊出發喇！
城市生活急促，好容易就忘記好多為社會默默付出過嘅人，拉糖藝術家Rik，希望以手裏面有溫度嘅糖，感謝社會！
想唱歌，依家我哋會去唱K， 以前嘅客家人就會一路工作，一路大大聲唱客家山歌， 慢慢仲成為咗一種文化。
然而呢種文化喺城市裏面逐漸消失，住喺布格仔村 嘅明哥明嫂就好想將呢種傳統文化流傳落去，咁就由鳳溪第一小學嘅同學仔拜師學唱啦！
從小就患上ADHD，老師同學都認為佢係怪人，歌手安俊豪卻認為自己一啲都唔特別，佢會同大家分享小時候患病嘅遭遇同跟家人嘅關係。
其實薯仔係好多唔同國家和地方嘅主要食材，烹調嘅方法亦都各有特色，一連兩集嘅「煮出人情味」教大家煮唔同地方嘅薯仔餸菜。
第一集煮嘅係香港家庭當中家傳戶曉嘅經典菜式-薯仔炆雞翼，而且每家每戶嘅配方都有少少唔同，今次由Chloe分享嘅家庭秘方唔知啱唔啱你胃口呢？
啄啄糖、瑪仔、香蕉糕呢啲香港六七十年代嘅小食你「聽」過未？今次考下各位來自皇仁舊生會中學 同尊賢會 嘅朋友，用ASMR聲音分辨呢一啲傳統香港小食。
從小因為小兒麻痹症而需要以輪椅代步的曾啟，不但致力於發聲發聲爭取無障礙設施，更加入自強協會成為義工為相健人士服務。路從來都比別人難行，他希望為未來社會鋪出更無障礙嘅道路。
老人家嘅記憶力同專注力其實係可以靠訓練來保持，第一集《玩出我天地》試玩嘅就係一款由台灣嘅失智老人基金會設計，幫助老人家改善記憶力嘅桌遊「這樣玩不失智」，仲邀請咗兩位#老幼勁舞團嘅老友記 Gogo & Rainbow嚟一齊玩添！
「廢老」也許是很多人對長者的其中一個標籤。但原來不少長者原來不廢，甚至是跳舞高手！三位金花夥拍年輕導師組成老幼勁舞團，一路走來，建立了深厚的感情。
餃子近年大行其道，煎炸蒸煮樣樣有；由平民地道餡料至國際化餡料應有盡有。但回歸街坊的味道你又試過沒有？這次邀請到坪洲街坊娣姨教大家做韭菜豬肉餃，原來餃子好易「餃」！
今次「玩出我天地」由室內玩到去室外，跟住滙基書院(東九龍) 嘅同學出街同旺角嘅街坊玩下。由 @socialshk 推薦嘅運動鬥「運動鬥1 Round」遊戲卡，睇吓香港人嘅運動能力有幾好！
唔知大家有冇喺電影院見過口述影像場次呢？好多人會第一時間覺得唔係for健視人士觀看，事實又係唔係咁？
連續兩集嘅《真人漂書》會請來視障人士博輝同埋口述影像員Tiffany，讓大家了解一下視障人士點樣睇電影，同埋口述影像對視障人士嘅幫助、講吓成為口述影像員嘅經過，同埋口述影像究竟係乜嘢。
由方樹福堂兒童及青少年發展中心、路德會呂明才中學、鄰住創本視共同製作嘅跌嘢唔好搵Dance Cover，唔單止由青年導師負責教跳舞，仲由中學學生執導。背後仲練習同準備咗好耐添！
對上一次係邊個講故仔俾你聽呢？
今次就等幸福點子、林村公立黃福鑾紀念學校、
還有我哋鄰住創本視一齊講個故仔俾大家聽啦！
《富善街最後一站》改編自美國作者馬特德拉佩尼亞的《市場街最後一站》
香港有長者跳舞女團咁大件事冇人講？「老幼勁舞團」一班老友記跳舞跳得咁好睇得唔得㗎？今次一齊去問吓荃灣嘅街坊先！
唔少家庭主婦都會為咗照顧屋企人同埋做家務頭痛，更何況係需要照顧有長期病患家人嘅照顧者呢？
今集再由崇真書院嘅同學，介紹一度慳時間、簡單方便，而且可以一路整一路享受親子時光嘅餸菜。
提起駿洋邨你哋會諗起啲乜？除咗隔離營之外，呢個社區仲有好多有人情味嘅小商戶，今次就同共創駿洋其中一間人情味商戶Bomber Salad合作，教大家整佢哋最拿手嘅日式玉子燒蛋捲三文治，麵包裏面除咗夾住口口嘅玉子燒之外，仲夾住濃濃嘅人情味添！
友誼從來唔會被年齡差距規限！17歲同83歲可以有幾friend？@老幼勁舞團 跳舞導師輝仔同學員蘊好因為舞蹈成為知己，仲唔傾唔知咁啱vibe，除咗Friend 過打Band，仲可以Friend到跳舞！
大埔依山傍水，位處其中的大埔滘自然護理區，更擁有全港最茂盛和最完整的次生林，為學習植物的最佳地點。今集香港戶外生態教育協會的 Maggie 和 Kimberley 帶領恩主教書院的同學走出課室，來到這個後花園。兩位導師無不展示出她們對環境教育工作的熱誠，希望同學也遇上像她們當初愛上大自然的契機。
照顧者大多會面對不斷重複的生活：照顧親人日常起居、處理家中一切大小事務。日復日，他們會懷疑「這便一世嗎？」但照顧者Winnie想告訴同路人只要心存希望，必定會看到曙光。
香港多了人喜歡行山，但有幾多人真的愛大自然？香港戶外生態教育協會創辦人之一的沈鼎榮先生因為醉心大自然，希望讓更多港人能夠認識香港的自然環境，先了解，然後落力保護這個「我地」。